ചരിത്രപരമായ വിജയത്തിന് ശേഷം ഇന്ത്യൻ ചെസ് താരം ദിവ്യ ദേശ്മുഖിന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് മൂന്ന് കോടി രൂപ പാരിതോഷികം നൽകി ആദരിച്ചു. ജോർജിയയിലെ ബറ്റുമിയിൽ നടന്ന ഫിഡെ വനിതാ ചെസ് ലോകകപ്പിൽ വിജയിച്ചതിനാണ് ദിവ്യയ്ക്ക് ഈ പാരിതോഷികം ലഭിച്ചത്.
നാഗ്പൂർ സ്വദേശിയായ 19 വയസ്സുകാരിയായ ദിവ്യ, ജൂലൈ 28-ന് നടന്ന ടൈ-ബ്രേക്ക് ഫൈനലിൽ ഇന്ത്യക്കാരിയായ കൊനേരു ഹംപിയെ പരാജയപ്പെടുത്തിയാണ് ചരിത്രം കുറിച്ചത്. ഈ വിജയത്തിലൂടെ ഏറ്റവും പ്രായം കുറഞ്ഞ വനിതാ ലോകകപ്പ് ചാമ്പ്യൻ എന്ന പദവി മാത്രമല്ല, ഗ്രാൻഡ്മാസ്റ്റർ പദവിയും ദിവ്യയ്ക്ക് ലഭിച്ചു.
