കോടിഫ് കപ്പ്, കരുത്തരായ വെനിസ്വേലയെ ഇന്ത്യ സമനിലയ തളച്ചു

സ്പെയിനിൽ നടക്കുന്ന അണ്ടർ 20 കോടിഫ് കപ്പിൽ ഇന്ത്യ കരുത്തരായ വെനിസ്വേലയെ സമനിലയിൽ തളച്ചു. ഗോൾരഹിത സമനിലയിലാണ് ഇന്ത്യ വെനിസ്വേലയെ പിടിച്ചുകെട്ടിയത്. അവസാന അണ്ടർ 20 ലോകകപ്പിൽ റണ്ണേഴ്സ് അപ്പായ ടീമാണ് വെനിസ്വേല.

ഇന്ത്യൻ ഡിഫൻസിന്റെ പ്രകടനമാണ് ഇന്ത്യക്ക് ഈ സമനില നേടി തന്നത്. കഴിഞ്ഞ മത്സരത്തിൽ മൊറിതാനിയയോടേറ്റ പരാജയത്തിനൊപ്പം നഷ്ടപ്പെട്ട ആത്മവിശ്വാസം തിരിച്ചെടുക്കാൻ ഈ സമനില സഹായിക്കും. ഇനി ഇന്ത്യയുടെ അടുത്ത മത്സരം അഞ്ചാം തീയതി അർജന്റീനയുമായാണ്.

കൂടുതൽ കായിക വാർത്തകൾക്ക് : www.facebook.com/FanportOfficial