ചരിത്രത്തിൽ ആദ്യമായി ഡേവിസ് കപ്പ് കിരീടം ഉയർത്തി ടീം കാനഡ. ഫൈനലിൽ ഓസ്‌ട്രേലിയയെ ആണ് കാനഡ തോൽപ്പിച്ചത്. ആദ്യ രണ്ടു സിംഗിൾസ് മത്സരങ്ങൾ ജയിച്ച കാനഡ കിരീടം ഉറപ്പിക്കുക ആയിരുന്നു.
ഡെന്നിസ് ഷപവലോവ് തനാസി കോക്കനാകിസിനെ 6-2, 6-4 എന്ന സ്കോറിന് തോൽപ്പിച്ച ശേഷം 6-3, 6-4 എന്ന സ്കോറിന് അലക്‌സ് ഡിമിനോറിനെ തോൽപ്പിച്ച ഫെലിക്‌സ് ആഗർ അലിയാസ്മെ കാനഡക്ക് കിരീടം ഉറപ്പിച്ചു. സീസണിൽ ഉഗ്രൻ ഫോമിലുള്ള ഫെലിക്‌സ് ആണ് കാനഡക്ക് ആദ്യ ഡേവിസ് കിരീടം നൽകിയത്.
