ധോണിയുടെയും കെഎല്‍ രാഹുലിന്റെയും തകര്‍പ്പന്‍ ഇന്നിംഗ്സുകളുടെ ബലത്തില്‍ 359 റണ്‍സ് നേടിയ ഇന്ത്യയ്ക്കെതിരെ ബാറ്റിംഗിനിറങ്ങിയ ബംഗ്ലാദേശിനു 95 റണ്‍സിന്റെ തോല്‍വി. ജസ്പ്രീത് ബുംറ തുടങ്ങിയ വിക്കറ്റ് വേട്ട പിന്നെ സ്പിന്നര്‍മാര്‍ ഏറ്റെടുത്തപ്പോള്‍ ബംഗ്ലാദേശ് 49.3 ഓവറില്‍ 264 റണ്‍സിനു ഓള്‍ഔട്ട് ആവുകയായിരുന്നു.
മുഷ്ഫിക്കുര്‍ റഹിം 90 റണ്‍സും ലിറ്റണ്‍ ദാസ് 73 റണ്‍സും നേടിയതൊഴിച്ചാല്‍ മറ്റു ബംഗ്ലാദേശ് താരങ്ങള്‍ക്കാര്‍ക്കും തന്നെ മികവുറ്റ പ്രകടനം പുറത്തെടുക്കുവാനായിരുന്നില്ല. ഇന്ത്യയ്ക്ക് വേണ്ടി കുല്‍ദീപ് യാദവും യൂസുവേന്ദ്ര ചഹാല്‍ മൂന്നും ജസ്പ്രീത് ബുംറ, എന്നിവര്‍ രണ്ട് വീതം വിക്കറ്റുമാണ് നേടിയത്.
