ഇന്ന് പാകിസ്താന് എതിരായ വിജയത്തിൽ ഏറെ സന്തോഷം ഉണ്ടെന്ന് ഇന്ത്യൻ ബൗളർ ജസ്പ്രിത് ബുമ്ര. ഇന്ന് 3 വിക്കറ്റുകൾ വീഴ്ത്തിയ ബുമ്ര പ്ലയർ ഓഫ് ദി മാച്ച് ആയിരുന്നു. ഈ പുരസ്കാരം സ്വീകരിച്ച ശേഷം സംസാരിക്കുക ആയിരുന്നു ബുമ്ര.
“ഈ വിജയം ശരിക്കും സന്തോഷം നൽകുന്നു. ഞങ്ങൾ എടുത്ത റൺസ് അൽപ്പം കുറവാണെന്ന് ഞങ്ങൾക്ക് തോന്നി, വെയിൽ വന്നതോടെ വിക്കറ്റ് കുറച്ചുകൂടി മെച്ചപ്പെടുക്കയും ചെയ്തു. ഞങ്ങൾ ശരിക്കും അച്ചടക്കത്തോടെ ബൗൾ ചെയ്തു, അത് ഗുണം ചെയ്തു.” ബുമ്ര പറഞ്ഞു.
“എനിക്ക് കഴിയുന്നത്ര പേസിൽ ബൗൾ ചെയ്യാൻ ആണ് ശ്രമിച്ചത്, എൻ്റെ എക്സിക്യൂഷൻ ഇന്ന് ശരിയായി വന്നു, എല്ലാം നന്നായി വന്നതിനാൽ എനിക്ക് സന്തോഷം തോന്നി.” ബുമ്ര പറയുന്നു.
“ഇന്ന് ആരാധകരുടെ പിന്തുണ ഞങ്ങൾ ഇന്ത്യയിൽ കളിക്കുന്നത് പോലെ തോന്നിപ്പിച്ചു. ഈ പിന്തുണയിൽ ശരിക്കും സന്തോഷമുണ്ട്, അത് കളിക്കളത്തിൽ ഞങ്ങൾക്ക് ഊർജം നൽകുന്നു. ഞങ്ങൾ ഇപ്പോൾ ഒരോ മത്സരത്തിലും ശ്രദ്ധ കേന്ദ്രീകരിക്കുന്നു. ഞങ്ങൾ രണ്ട് കളികൾ കളിച്ചു, നന്നായി കളിച്ചു. ഈ പ്രകടനം തുടരുകയും മെച്ചപ്പെടുകയും വേണം.” – അദ്ദേഹം കൂട്ടിച്ചേർത്തു.
