നെക്സ്റ്റ് ജെൻ കപ്പിൽ ബെംഗളൂരു എഫ് സിയുടെ ഗംഭീര പ്രകടനം. ഇന്ന് പ്രീമിയർ ലീഗിലെ വമ്പന്മാരായ ലെസ്റ്റർ സിറ്റിയുടെ യുവടീമിനെ നേരിട്ട ബെംഗളൂരു എഫ് സി 6-3ന്റെ പരാജയം നേരിട്ടു എങ്കിലും അവരുടെ പോരാട്ടം ഇന്ത്യൻ ഫുട്ബോളിന്റെ അഭിമാനം ഉയർത്തുന്നത് ആയിരുന്നു. ആദ്യ 60 മിനുട്ടിൽ 6 ഗോളുകൾക്ക് പിറകിൽ പോയ ബെംഗളൂരു എഫ് സി അവിടെ നിന്ന് തിരിച്ചടിച്ചാണ് കളി 6-3 എന്നാക്കിയത്.
67ആം മിനുട്ടിൽ ശിവശക്തിയിലൂടെ ആയിരുന്നു ബെംഗളൂരു എഫ് സിയുടെ ആദ്യ ഗോൾ. ഈ ഗോൾ വീണ് നിമിഷങ്ങൾക്ക് അകം ബെംഗളൂരു എഫ് സി ലിങ്ദോഹിലൂടെ രണ്ടാം ഗോളും നേടി. 73ആം മിനുട്ടിൽ ശിവശക്തി വീണ്ടും ഗോൾ നേടിയതോടെ ബെംഗളൂരു എഫ് സി സ്കോർ 6-3 എന്ന് ആക്കി.
ഇന്ന് വൈകിട്ട് നടന്ന മത്സരത്തിൽ കേരള ബ്ലാസ്റ്റേഴ്സ് സ്പർസിനോട് പരാജയപ്പെട്ടിരുന്നു.
