ലാ ലീഗ കിരീട പോരാട്ടത്തിൽ മുൻതൂക്കം നേടി അത്ലറ്റികോ മാഡ്രിഡ്. ബാഴ്സലോണയെ അവരുടെ മൈതാനത്ത് 2-1 നു മറികടന്ന അവർ ലീഗിൽ ഒരു കളി കൂടുതൽ കളിച്ച ബാഴ്സയെക്കാൾ 3 പോയിന്റുകൾ മുന്നിൽ ആണ്. ബാഴ്സ ആധിപത്യം കണ്ട മത്സരത്തിൽ ഗാവിയുടെ പാസിൽ നിന്നു പെഡ്രിയാണ് അവർക്ക് ആദ്യ ഗോൾ സമ്മാനിച്ചത്. ആദ്യ പകുതിയിൽ ബാഴ്സ നിരവധി അവസരങ്ങൾ സമ്മാനിച്ചപ്പോൾ ഒരു ഷോട്ട് പോലും അത്ലറ്റികോ ആദ്യ പകുതിയിൽ അടിച്ചില്ല.
എന്നാൽ രണ്ടാം പകുതിയിൽ സിമിയോണിയുടെ ടീം തിരിച്ചു വന്നു. 60 മത്തെ മിനിറ്റിൽ ലോങ് ഷോട്ടിലൂടെ ഗോൾ നേടിയ അർജന്റീനൻ താരം റോഡ്രിഗോ ഡി പോൾ അത്ലറ്റികോയെ മത്സരത്തിൽ ഒപ്പം എത്തിച്ചു. തുടർന്ന് മുൻതൂക്കം നേടാൻ ബാഴ്സക്ക് അവസരം ലഭിച്ചെങ്കിലും റഫീന്യോയുടെ ഷോട്ടിൽ പോസ്റ്റിൽ ഇടിച്ചു മടങ്ങി. ലെവൻഡോവ്സ്കി അവരവും പാഴാക്കി. തുടർന്ന് 96 മത്തെ മിനിറ്റിൽ കൗണ്ടർ അറ്റാക്കിൽ നിന്നു മൊളീന്യോയുടെ പാസിൽ നിന്നു ഗോൾ നേടിയ പകരക്കാരനായി ഇറങ്ങിയ നോർവെ താരം അലക്സാണ്ടർ സോർലോത് സിമിയോണിയുടെ ടീമിന് വിലപ്പെട്ട ജയം സമ്മാനിക്കുക ആയിരുന്നു.