പുരുഷന്മാരുടെ അമ്പെയത്ത് മത്സരത്തിന്റെ ആദ്യ റൗണ്ടിൽ ചൈനീസ് തായ്പേ താരത്തിനെതിരെ കടന്ന് കൂടി ഇന്ത്യയുടെ അതാനു ദാസ്. ഇന്ന് ചൈനീസ് തായ്പേയുടെ ചെംഗ്-യു ഡെംഗുമായുള്ള മത്സരത്തിൽ ആദ്യ നാല് റൗണ്ട് കഴിഞ്ഞപ്പോള്‍ 4-4 എന്ന നിലയിലായിരുന്നു.
അവസാന സെറ്റിൽ അവസാന ശ്രമം തായ്പേയ് താരം 7 പോയിന്റ് മാത്രം നേടിയപ്പോള്‍ 9 പോയിന്റുമായി ദാസ് രണ്ടാം റൗണ്ടിലേക്ക് കടന്നു. 6-4ന്റെ വിജയം ആണ് ദാസ് നേടിയത്. ആദ്യ സെറ്റ് 27-26ന് ദാസ് നേടിയപ്പോള്‍ രണ്ടാം സെറ്റ് 28-27ന് തായ്പേയ് താരം നേടി.
മൂന്നാം സെറ്റ് ദാസ് 28-26നും നാലാം സെറ്റ് 28-27ന് ചെംഗും നേടുകയായിരുന്നു. അവസാന സെറ്റിൽ ദാസ് 28 പോയിന്റ് നേടിയപ്പോള്‍ ചെംഗിന് 26 പോയിന്റേ നേടാനായുള്ളു.
