വനിത സൂപ്പർ ലീഗിൽ വിജയകുതിപ്പ് തുടർന്ന് ആഴ്സണൽ വനിതകൾ. റെഡിങ് വനിതകളെ എതിരില്ലാത്ത ഒരു ഗോളിന് ആണ് ആഴ്സണൽ തോൽപ്പിച്ചത്. ആഴ്സണലിന്റെ വലിയ ആധിപത്യം കണ്ട മത്സരത്തിൽ മുപ്പതാം മിനിറ്റിൽ ആണ് ഗോൾ പിറന്നത്.
മികച്ച ടീം നീക്കത്തിന് ഒടുവിൽ കിം ലിറ്റിലിന്റെ പാസിൽ നിന്നു ബോക്സിന് പുറത്ത് നിന്ന് സ്റ്റിന ബ്ലാക്സ്റ്റെയിൻസ് ആണ് ആഴ്സണലിന് ആയി ഗോൾ നേടിയത്. രണ്ടാം പകുതിയിൽ 61 മത്തെ മിനിറ്റിൽ ലഭിച്ച പെനാൽട്ടി കിം ലിറ്റിൽ പാഴാക്കിയെങ്കിലും ആഴ്സണൽ വിജയിക്കുക ആയിരുന്നു. നിലവിൽ ലീഗിൽ മൂന്നു മത്സരങ്ങളിൽ നിന്നു 9 ഗോളുകൾ നേടിയ ആഴ്സണൽ മൂന്നു ജയവുമായി ലീഗിൽ രണ്ടാം സ്ഥാനത്ത് ആണ്.
