നോര്ത്തീസ്റ്റ് യുണൈറ്റഡ് എഫ്സിയ്ക്കെതിരെ ഏകപക്ഷീയമായ ഒരു ഗോള് വിജയം നേടി ബെംഗളൂരു എഫ്സി. മത്സരം അവസാനിക്കുവാന് മിനുട്ടുകള് മാത്രം ബാക്കി നിൽക്കവെയാണ് ശ്രീ കണ്ഠീരവ സ്റ്റേഡിയത്തിൽ തങ്ങളുടെ ഹോം മത്സരത്തിൽ ബെംഗളൂരു വിജയം കുറിച്ചത്.
ഐഎസ്എലില് ഇന്ന് നടന്ന മത്സരത്തിൽ ബെംഗളൂരു എഫ്സി നോര്ത്തീസ്റ്റ് യുണൈറ്റഡ് എഫ്സി പോരാട്ടത്തിന് ആവേശകരമായ അന്ത്യം. മത്സരം സമനിലയിലേക്ക് പോകുമെന്ന തോന്നിച്ച നിമിഷത്തിൽ മത്സരത്തിന്റെ 87ാം മിനുട്ടിലാണ് നോര്ത്തീസ്റ്റ് യുണൈറ്റഡിന്റെ ഹൃദയങ്ങള് തകര്ത്ത ഗോള് അലന് കോസ്റ്റ നേടിയത്.
ബെംഗളൂരു വിജയം ഉറപ്പിച്ചുവെന്ന് കരുതിയപ്പോള് നോര്ത്തീസ്റ്റ് ഇഞ്ചുറി ടൈമിൽ ഗോള് മടക്കിയെങ്കിലും അത് ഓഫ് സൈഡ് വിധിക്കപ്പെട്ടതോടെ മത്സരം ബെംഗൂരു സ്വന്തമാക്കി. റഫറിയുടെ തെറ്റായ തീരുമാനമാണ് നോര്ത്തീസ്റ്റിന് അര്ഹമായ സമനില നഷ്ടപ്പെടുത്തിയത്.
