ഓഗസ്റ്റ് മാസത്തിൽ ശ്രീലങ്കയിൽ പര്യടനം നടത്താനൊരുങ്ങി ഇന്ത്യൻ ക്രിക്കറ്റ് ടീം. ഇതിന്റെ ആദ്യ പടിയെന്നോണം ശ്രീലങ്കൻ ക്രിക്കറ്റ് ബോർഡിനോട് ഇന്ത്യ ഓഗസ്റ്റിൽ കളിക്കാൻ തയ്യാറാണെന്ന വിവരം അറിയിച്ചിട്ടുണ്ട്. എന്നാൽ ഇരു രാജ്യങ്ങളിലെയും സർക്കാരുകൾ അനുമതി നൽകിയാൽ മാത്രമാവും പരമ്പര നടക്കുക. നേരത്തെ ജൂൺ മാസത്തിൽ ശ്രീലങ്കയിൽ മൂന്ന് ഏകദിന മത്സരവും മൂന്ന് ടി20 മത്സരവും കളിക്കാൻ ഇന്ത്യ തീരുമാനിച്ചിരുന്നു.
എന്നാൽ കൊറോണ വൈറസ് പടർന്നതോടെ ഈ പരമ്പര നടക്കാതെ പോവുകയായിരുന്നു. തുടർന്നാണ് ഈ പരമ്പര ഓഗസ്റ്റിൽ കളിക്കാൻ ഇന്ത്യ തയ്യാറാവുന്നത്. ഈ പരമ്പരക്ക് ശ്രീലങ്കൻ സർക്കാർ അനുമതി നൽകിയാൽ മത്സരത്തിൽ വിവരങ്ങൾ ശ്രീലങ്ക പുറത്തുവിടുമെന്നാണ് കരുതപ്പെടുന്നത്. അതെ സമയം ഈ വർഷം പാകിസ്ഥാനിൽ നടക്കേണ്ട ഏഷ്യ കപ്പ് മത്സരങ്ങൾ ശ്രീലങ്കയിൽ നടത്താനുള്ള ശ്രമങ്ങളും ശ്രീലങ്കൻ ക്രിക്കറ്റ് ബോർഡ് തുടങ്ങിയിട്ടുണ്ട്.
