ലോകകപ്പ് യോഗ്യത മത്സരങ്ങളിൽ യുഎസ്എയെ നിഷ്പ്രഭമാക്കി സിംബാബ്വേ. ഇന്ന് ആദ്യം ബാറ്റ് ചെയ്ത് 408 റൺസ് നേടിയ ശേഷം യുഎസ്എയെ 104 റൺസിന് എറിഞ്ഞൊതുക്കിയാണ് സിംബാബ്വേ 304 റൺസ് വിജയം നേടിയത്. യുഎസ്എയുടെ ഇന്നിംഗ്സ് 25.1 ഓവറിലാണ് അവസാനിച്ചത്.
24 റൺസ് നേടിയ അഭിഷേക് പാര്‍ദ്കര്‍ ടീമിന്റെ ടോപ് സ്കോറര്‍ ആയപ്പോള്‍ ജസ്ദീപ് സിംഗ് 21 റൺസ് നേടി. സിംബാബ്‍വേയ്ക്കായി റിച്ചാര്‍ഡ് എന്‍ഗാരാവ, സിക്കന്ദര്‍ റാസ എന്നിവര്‍ രണ്ട് വീതം വിക്കറ്റ് നേടിയപ്പോള്‍ മൂന്ന് യുഎസ്എ ബാറ്റ്സ്മാന്മാര്‍ റണ്ണൗട്ടായി.
