തന്റെ ഏകദിന അരങ്ങേറ്റം ലോകകപ്പില് നടത്തുകയെന്ന് അപൂര്വ്വ നേട്ടത്തിനു അരികെയെത്തി ന്യൂസിലാണ്ട് താരം ടോം ബ്ലണ്ടല്. ന്യൂസിലാണ്ടിന്റെ 15 അംഗ സ്ക്വാഡില് ഇടം നേടിയ താരത്തിനു ഇപ്പോള് ടീമിലവസരം വന്നിരിക്കുന്നതിനു കാരണം പ്രധാന കീപ്പര് ടോം ലാഥമിന്റെ പരിക്ക് മൂലമാണ്. പരിക്കേറ്റ ലാഥം ന്യൂസിലാണ്ടിന്റെ ഉദ്ഘാടന മത്സരത്തില് കളിച്ചേക്കില്ല എന്നാണ് അറിയുന്നത്.
താരം കളിക്കാത്ത പക്ഷം 15 അംഗ സ്ക്വാഡിലെ കരുതല് കീപ്പറായ ടോം ബ്ലണ്ടലിനു അവസരം ലഭിയ്ക്കും. അങ്ങനെയെങ്കില് 1987നും ശേഷം ലോകകപ്പില് അരങ്ങേറ്റം കുറിയ്ക്കുന്ന ആദ്യ ന്യൂസിലാണ്ടുകാരനെന്ന ബഹുമതി താരത്തിനു ലഭിയ്ക്കും.
