ലോകകപ്പില്‍ വിക്കറ്റ് പട്ടികയിലെ ഒന്നാം സ്ഥാനം നേടുന്നതിനായി മൂന്ന് താരങ്ങള്‍ തമ്മില്‍ പൊരിഞ്ഞ പോരാട്ടം. ഇന്ന് പാക്കിസ്ഥാന് വേണ്ടി ദക്ഷിണാഫ്രിക്കയ്ക്കെതിരെ രണ്ട് വിക്കറ്റ് നേട്ടം സ്വന്തമാക്കിയതോടെ 15 വിക്കറ്റുകളുമായി മുഹമ്മദ് അമീര്‍ കൂടി ഇപ്പോള്‍ ഒന്നാം സ്ഥാനത്തുള്ള ജോഫ്ര ആര്‍ച്ചര്‍ക്കും മിച്ചല്‍ സ്റ്റാര്‍ക്കിനുമൊപ്പം എത്തുകയാണുണ്ടായത്. മൂന്ന് താരങ്ങളും 15 വിക്കറ്റുകളുമായി ഒപ്പമാണെങ്കിലും മികച്ച സ്ട്രൈക്ക് റേറ്റും ഇക്കണോമിയുമായി മുഹമ്മദ് അമീര്‍ ആണ് ഒന്നാം സ്ഥാനത്ത്.
നാലാം സ്ഥാനത്ത് 14 വിക്കറ്റുമായി ന്യൂസിലാണ്ടിന്റെ ലോക്കി ഫെര്‍ഗൂസണും 12 വിക്കറ്റ് നേടി ഇംഗ്ലണ്ടിന്റെ മാര്‍ക്ക് വുഡ് അഞ്ചാം സ്ഥാനത്തും നിലകൊള്ളുന്നു.
