വനിത ടി20 ലോകകപ്പ് രണ്ടാം സെമിയിൽ ന്യൂസിലാണ്ടിന് 128 റൺസ്. വെസ്റ്റിന്‍ഡീസിനെതിരെ ആദ്യം ബാറ്റ് ചെയ്യുവാന്‍ തീരുമാനിച്ച ന്യൂസിലാണ്ടിന് 9 വിക്കറ്റ് നഷ്ടത്തിലാണ് ഈ സ്കോര്‍ നേടാനായത്.
ഡിയാന്‍ഡ്ര ഡോട്ടിന് വെസ്റ്റിന്‍ഡീസിനായി 4 വിക്കറ്റ് നേടിയപ്പോള്‍ ന്യൂസിലാണ്ട് നിരയിൽ ഓപ്പണിംഗിൽ ജോര്‍ജ്ജിയ പ്ലിമ്മര്‍ – സൂസി ബെയ്റ്റ്സ് നൽകിയ മികച്ച തുടക്കത്തിന് ശേഷം വിക്കറ്റുകളുമായി വെസ്റ്റിന്‍ഡീസ് തിരികെ എത്തുകയായിരുന്നു.
48 റൺസാണ് ഈ കൂട്ടുകെട്ട് നേടിയത്. പ്ലിമ്മര്‍ 33 റൺസും സൂസി ബെയ്റ്റ്സ് 26 റൺസും നേടിയപ്പോള്‍ ഇസബെല്ല ഗേസ് 20 റൺസുമായി പുറത്താകാതെ നിന്നു.
