ടി20 ലോകകപ്പ് ഗ്രൂപ്പ് ഘട്ടത്തിലെ അവസാന മത്സരത്തിൽ മികച്ച ബൗളിംഗ് പ്രകടനവുമായി പാകിസ്ഥാൻ. ഇന്ന് ആദ്യം ബാറ്റു ചെയ്ത അയർലണ്ടിനെ 106 റൺസിൽ പിടിച്ചു നിർത്താൻ പാകിസ്ഥാനായി. ഒരു ഘട്ടത്തിൽ അയർലണ്ട് 32-6 എന്ന നിലയിൽ ആയിരുന്നു. അവിടെ നിന്ന് 106 റൺ വരെ എത്താൻ അവർക്കായി.
22 റൺസ് എടുത്ത ജോഷുവ ലിറ്റിലും 31 റൺസ് എടുത്ത ഡെലാനിയും ആണ് അയർലണ്ടിനായി ബാറ്റു കൊണ്ട് ആകെ തിളങ്ങിയത്. പാകിസ്താനായി ഷഹീൻ അഫ്രീദിയും ഇമാദ് വസീമും 3 വിക്കറ്റ് വീതം വീഴ്ത്തി. ഇമാദ് വസീം നാല് ഓവറിൽ 8 റൺസ് മാത്രം വഴങ്ങിയാണ് 3 വിക്കറ്റ് വീഴ്ത്തിയത്.
ആമിർ 2 വിക്കയും ഹാരിസ് റഹൂഫ് ഒരു വിക്കയും വീഴ്ത്തി.
