ടി20 ലോകകപ്പിൽ യശസ്വി ജയ്സ്വാളും വിരാട് കോഹ്ലിയും ഇന്ത്യക്കായി ബാറ്റിംഗ് ഓപ്പൺ ചെയ്യണമെന്ന് വസീം ജാഫർ. രോഹിത് ശർമ്മ നാലാമനായി ഇറങ്ങണം എന്നു ജാഫർ പറയുന്നു. ഇന്ത്യയുടെ ലോകകപ്പ് ഓപ്പണിംഗ് കൂട്ടുകെട്ട് എന്താകും എന്ന് ഇനിയും തീരുമാനം ആയിട്ടില്ല. ജയ്സ്വാളും രോഹിതും ഓപ്പൺ ചെയ്യും എന്നാണ് കരുതപ്പെടുന്നത് എങ്കിലും കോഹ്ലി ഐ പി എല്ലിൽ ഓപ്പണിംഗ് ആയി വീണ്ടും തിളങ്ങിയത് അദ്ദേഹം ഓപ്പൺ ചെയ്യാനുള്ള സാധ്യതയ വർധിപ്പിക്കുന്നു.
സ്പിൻ-ബൗളിംഗിന് എതിരെ മികച്ച പ്രകടനം കാഴ്ചവെക്കുന്ന രോഹിത് മൂന്നാം നമ്പറിലോ നാലിലോ ബാറ്റ് ചെയ്യണമെന്ന് ജാഫർ പറയുന്നു. നാലാം നമ്പറിൽ ബാറ്റ് ചെയ്യുന്നത് രോഹിതിൻ്റെ ക്ലാസിലെ ഒരു ബാറ്റർക്ക് പ്രശനം ഉണ്ടാക്കില്ല എന്നും അദ്ദേഹം പറയുന്നു.
“കോഹ്ലിയും ജയ്സ്വാളും ലോകകപ്പിൽ ഓപ്പൺ ചെയ്യണം എന്നാണ് എന്റെ അഭിപ്രായം. നമുക്ക് ലഭിക്കുന്ന തുടക്കത്തിനനുസരിച്ച് രോഹിതും സ്കൈയും 3 ഉം 4 ഉം സ്ഥാനങ്ങളിൽ ബാറ്റ് ചെയ്യണം. രോഹിത് സ്പിൻ നന്നായി കളിക്കുന്നു, അതിനാൽ 4ൽ ബാറ്റ് ചെയ്യുന്നതിൽ ആരും ആശങ്കപ്പെടേണ്ടതില്ല, ”ജാഫർ ട്വിറ്ററിൽ കുറിച്ചു.
