ഹാർദിക് ഇന്ത്യക്ക് വളരെ പ്രധാനപ്പെട്ട താരമാണ് എന്ന് ഇന്ത്യൻ ക്യാപ്റ്റൻ രോഹിത് ശർമ്മ. ബംഗ്ലാദേശിന് എതിരായ സൂപ്പർ 8 പോരാട്ടത്തിൽ ഹാർദിക് പാണ്ഡ്യ അർധ സെഞ്ച്വറി നേടി ടീമിന്റെ ടോപ് സ്കോറർ ആയിരുന്നു. ഒപ്പം ഒരു വിക്കറ്റും താരം നേടിയിരുന്നു.
“ഹാർദിക് നന്നായി ബാറ്റ് ചെയ്യുന്നത് ഞങ്ങളെ മികച്ച നിലയിലാക്കുന്നു. 5, 6 എന്നി പൊസിഷനിൽ അവസാനം മികച്ച രീതിയിൽ ഫിനിഷ് ചെയ്യാൻ ഞങ്ങൾ ആഗ്രഹിക്കുന്നു, ഹാർദികിന്റെ കഴിവ് എന്താണെന്ന് ഞങ്ങൾക്കറിയാം. അവൻ ഞങ്ങൾക്ക് വളരെ പ്രധാനപ്പെട്ട ഒരു കളിക്കാരനാണ്, അവന് ഈ മികവ് തുടരാൻ കഴിയുമെങ്കിൽ, അത് ഞങ്ങളെ നല്ല സ്ഥാനങ്ങളിൽ എത്തിക്കും.” – രോഹിത് പറഞ്ഞു.
ബംഗ്ലാദേശിന് എതിരെ ഇന്ത്യൻ ബൗളർമാരെല്ലാം നന്നായി പന്തെറിഞ്ഞു എന്നും രോഹിത് ശർമ്മ പറഞ്ഞു.
