ഓപ്പണര്‍മാര്‍ നൽകിയ മികച്ച തുടക്കത്തിന് ശേഷം ടി20 ലോകകപ്പിൽ ഇംഗ്ലണ്ടിന് തിരിച്ചടി. 48/0 എന്ന നിലയിൽ നിന്ന് ബംഗ്ലാദേശിനെതിരെ ആദ്യം ബാറ്റ് ചെയ്ത ഇംഗ്ലണ്ടിന് 118 റൺസ് മാത്രമേ നേടാനായുള്ളു. 41 റൺസ് നേടിയ ഡാനിയേൽ വയട്ടും 23 റൺസ് നേടിയ മൈയ ബൗച്ചിയറും ഇംഗ്ലണ്ടിന് മികച്ച തുടക്കമാണ് നൽകിയത്.
എന്നാൽ മത്സരത്തിൽ ശക്തമായ തിരിച്ചുവരവ് നടത്തി ബംഗ്ലാദേശ് ഇംഗ്ലണ്ടിനെ 76/4 എന്ന നിലയിലേക്ക് പ്രതിരോധത്തിലാക്കി. 20 ഓവര്‍ അവസാനിക്കുമ്പോള്‍ ഇംഗ്ലണ്ട് 7 വിക്കറ്റ് നഷ്ടത്തിൽ 118 റൺസാണ് നേടിയത്. ബംഗ്ലാദേശിന് വേണ്ടി നാഹിദ അക്തര്‍, ഫാത്തിമ ഖാത്തുന്‍, റിതു മോണി എന്നിവര്‍ രണ്ട് വീതം വിക്കറ്റ് നേടി.
