യുഎസ്എയ്ക്കെതിരെയുള്ള മത്സരത്തിൽ ഇരു പവര്പ്ലേയിലും പാക്കിസ്ഥാന് പിന്നിൽ പോയെന്ന് പറഞ്ഞ് ബാബര് അസം. ടി20 ലോകകപ്പില് യുഎസ്എയോടേറ്റ് സൂപ്പര് ഓവര് തോൽവിയ്ക്ക് ശേഷം പ്രതികരിക്കുകയായിരുന്നു പാക് നായകന്.
തുടരെ മൂന്ന് വിക്കറ്റുകളെല്ലാം പോയാൽ ഏത് ടീമും പിന്നോട്ട് പോകുമെന്നും ബൗളിംഗിലും ആദ്യ ആറോവറിൽ പ്രഭാവം സൃഷ്ടിക്കാന് പാക്കിസ്ഥാനായില്ലെന്നും ബാബര് തുറന്ന് പറഞ്ഞു. മധ്യ ഓവറുകളിൽ സ്പിന്നര്മാര്ക്കും വിക്കറ്റ് നേടാനായില്ല എന്നും ബാബര് അസം വ്യക്തമാക്കി.
വളരെ പ്രയാസകരമായ ഫലമാണ് ഇതെന്നും പക്ഷേ മൂന്ന് ഡിപ്പാര്ട്മെന്റിലും യുഎസ്എ തങ്ങളെക്കാള് മികച്ച് നിന്നുവെന്നും ബാബര് അസം വ്യക്തമാക്കി.
