ഈ ടി20 ലോകകപ്പിൽ നിന്ന് പാകിസ്ഥാൻ ച്ചില പോസിറ്റീവുകൾ എടുക്കുന്നുണ്ട് എന്നും എന്നാൽ ടീമിന്റെ പ്രകടനം മൊത്തത്തിൽ മോശമായിരുന്നു എന്നും ബാബർ അസം. ഈ ലോകകപ്പിലെ പാകിസ്താന്റെ അവസാന മത്സരത്തിൽ അയർലണ്ടിനെ തോൽപ്പിച്ച ശേഷം സംസാരിക്കുക ആയിരുന്നു ബാബർ.
“അടുത്ത പരമ്പരയ്ക്ക് മുമ്പ് ഞങ്ങൾക്ക് ഒരു ഇടവേളയുണ്ട്, ആ പരമ്പരയിൽ മികച്ച പ്രകടനം നടത്താൻ ഞങ്ങൾ ആഗ്രഹിക്കുന്നു. ഈ ടൂർണമെൻ്റിൽ പോസിറ്റീവുകൾ ഉണ്ടായിരുന്നു, പക്ഷേ ഒരു ടീമെന്ന നിലയിൽ ഞങ്ങൾ നന്നായി കളിച്ചില്ല,” അദ്ദേഹം പറഞ്ഞു.
“മൊത്തത്തിൽ, ഞങ്ങൾ നന്നായി ടൂർണമെന്റ് ഫിനിഷ് ചെയ്തു. ഞങ്ങളുടെ ബൗളിംഗ് ഈ ടൂർണമെന്റിൽ മികച്ചതായിരുന്നു, പക്ഷേ ചില കളികളിൽ ബാറ്റിംഗിലെ ചില പിഴവുകൾ ഞങ്ങളെ വേദനിപ്പിച്ചു.” – ബാബർ പറഞ്ഞു
