ടി20 ലോകകപ്പിലെ ഉദ്ഘാടന മത്സരത്തിൽ വിജയവുമായി യുഎസ്. ഗ്രൂപ്പ് എ മത്സരത്തിൽ കാനഡയെ 7 വിക്കറ്റിനാണ് യുഎസ് പരാജയപ്പെടുത്തിയത്. ആദ്യം ബാറ്റ് ചെയ്ത കാനഡ 194 റൺസെന്ന മികച്ച സ്കോര്‍ 5 വിക്കറ്റ് നഷ്ടത്തിൽ നേടിയെങ്കിലും 17.4 ഓവറിൽ 3 വിക്കറ്റ് നഷ്ടത്തിൽ 197 റൺസ് നേടി യുഎസ് വിജയം കുറിച്ചു.
40 പന്തിൽ നിന്ന് 94 റൺസ് നേടിയ ആരോൺ ജോൺസ് ആണ് യുഎസിന്റെ വിജയം എളുപ്പമാക്കിയത്. അന്‍ഡ്രിയസ് ഗൗസ് 65 റൺസ് നേടി മികച്ച പിന്തുണ ജോൺസിന് നൽകി. നേരത്തെ ആദ്യം ബാറ്റ് ചെയ്ത കാനഡയ്ക്കായി 44 പന്തിൽ 61 റൺസ് നേടിയ നവനീത് ദാലിവാലും 31 പന്തിൽ 51 റൺസ് നേടിയ നിക്കോളസ് കിര്‍ടണും അര്‍ദ്ധ ശതകങ്ങള്‍ നേടിയപ്പോള്‍ 16 പന്തിൽ 32 റൺസുമായി ശ്രേയസ് മോവ അതിവേഗ സ്കോറിംഗ് നടത്തി.
