ഇന്ത്യയെ നേരിടാൻ പോകുന്നത് തീർത്തും ആത്മവിശ്വാസത്തോടെയാണ് എന്ന് പാകിസ്താൻ താരം മുഹമ്മദ് റിസുവാൻ. ഇന്നലെ ശ്രീലങ്കയ്ക്ക് എതിരെ നേടിയ വിജയം ടീമിന് പൂർണ്ണ ആത്മവിശ്വാസം നൽകുന്നു എന്ന് റിസുവാൻ പറഞ്ഞു. ശ്രീലങ്കയ്ക്ക് എതിരെ കളിച്ച അതേ തന്ത്രങ്ങൾ ഇതേ പദ്ധതികൾ ഇന്ത്യക്ക് എതിരെ ഉപയോഗിക്കും എന്നും റിസ്വാൻ പറഞ്ഞു.
“ഞങ്ങളുടെ അടുത്ത മത്സരം ഇന്ത്യയ്‌ക്കെതിരെയാണ്, ശ്രീലങ്കയ്ക്ക് എതിരായ വിജയം ഞങ്ങൾക്ക് ആത്മവിശ്വാസം നൽകും, ഞങ്ങൾ ശ്രീലങ്കയ്ക്ക് എതിരെ കളിച്ച അതേ പദ്ധതിയുമായി ഇന്ത്യയെ നേരിടും,” റിസ്വാൻ പറഞ്ഞു.
ശ്രീലങ്കയ്ക്ക് എതിരെ സെഞ്ച്വറി നേടിയ കളിയിലെ താരമാകാൻ റിസുവാനായിരുന്നു. ശ്രീലങ്കയ്ക്ക് എതിരെ ചെയ്സ് ചെയ്ത് ജയിക്കാൻ ആകുമെന്ന് പൂർണ്ണ വിശ്വാസം ഉണ്ടായിരുന്നു എന്ന് അദ്ദേഹം പറഞ്ഞു. ബാറ്റിംഗിന് പിന്തുണ നൽകുന്ന പിച്ചായിരുന്നു ഇത്. അദ്ദേഹം കൂട്ടിച്ചേർത്തു
