മുഹമ്മദ് ഷമി ഏറ്റവും അണ്ടർ റേറ്റഡ് ആയ പേസർമാരിൽ ഒരാളാണെന്ന് മുൻ ഇംഗ്ലണ്ട് പേസർ സ്റ്റീവ് ഹാർമിസൺ. മുഹമ്മദ് ഷമി ജസ്പ്രീത് ബുംറ അല്ല, അതുകൊണ്ട് തന്നെ ലോക ക്രിക്കറ്റിലെ ഏറ്റവും അണ്ടർ റേറ്റഡ് ഫാസ്റ്റ് ബൗളർമാരിൽ ഒരാളാണ്. ഷഹീൻ അഫ്രീദിയുടെ നിഴലിൽ ഹാരിസ് റൗഫ് അണ്ടർ റേറ്റഡ് ആണെന്നും ഞാൻ പറയും. ഹാർമിസൺ പറഞ്ഞു.
“ഓഫ് സ്റ്റമ്പിൽ നിന്ന് പന്ത് ചലിപ്പിക്കാനുള്ള ഷമിയുടെ കഴിവ്. അത്ഭുതകരമാണ്” മുൻ ഇംഗ്ലണ്ട് പേസർ സ്റ്റീവ് ഹാർമിസൺ പറഞ്ഞു. ഷമിയെ മാത്രമല്ല ബുമ്രയെയും അദ്ദേഹം പുകഴ്ത്തി.
“ടോപ്പ് ഓർഡർ ബാറ്റർമാർക്ക് ബുംറ നിരവധി പ്രശ്നങ്ങൾ ഉണ്ടാക്കുന്നു, മറ്റ് ബൗളർമാർക്ക് ഇത് സഹായകമാകും. ഓസ്ട്രേലിയ വളരെ മികച്ചതായ കാലത്ത്, മിച്ചൽ സ്റ്റാർക്ക് അങ്ങനെ ആയിരുന്നു, ഒരു ബാറ്റർക്ക് തന്റെ ഓഫ് സ്റ്റംപ് എവിടെയാണെന്ന് മനസ്സിലാക്കാതെ നിർത്താനുള്ള ബുമ്രയുടെ അദ്ദേഹത്തിന്റെ കഴിവ് നിർണായകമാണ്,” മുൻ ഇംഗ്ലണ്ട് താരം പറഞ്ഞു.
