ഈ ഇന്ത്യൻ ടീമിനെ തോൽപ്പിക്കുക പ്രയാസം ആണെന്ന് മുൻ ഓസ്‌ട്രേലിയൻ ഇതിഹാസം റിക്കി പോണ്ടിംഗ്. ഓസ്‌ട്രേലിയ, അഫ്ഗാനിസ്ഥാൻ, പാകിസ്ഥാൻ എന്നിവരെ തോൽപ്പിച്ച് ഇന്ത്യ ഇപ്പോൾ ടേബിളിൽ ഒന്നാമത് നിൽക്കുകയാണ്. “ഞാൻ തുടക്കം മുതൽ പറഞ്ഞു, ഇന്ത്യ ആയിരിക്കും ഫേവറിറ്റ് ടീം എന്ന്. അവർക്ക് വളരെ കഴിവുള്ള ഒരു ടീമുണ്ട്. അവർക്ക് അവരുടെ ഫാസ്റ്റ് ബൗളിംഗ്, അവരുടെ സ്പിൻ, അവരുടെ ടോപ്പ് ഓർഡർ, മിഡിൽ എന്നതിൽ എല്ലാം നല്ല അടിത്തറ ഉണ്ട്.” പോണ്ടിംഗ് പറഞ്ഞു.
“അവരെ തോൽപ്പിക്കാൻ വളരെ പ്രയാസമായിരിക്കും. കടുത്ത സമ്മർദ്ദത്തിലും അവർ എങ്ങനെ പിടിച്ചുനിൽക്കുമെന്ന് നമുക്ക് നോക്കാം,” പോണ്ടിംഗ് പറഞ്ഞു. മൂന്നാം ലോകകപ്പ് ലക്ഷ്യമിടുന്ന ഇന്ത്യ അടുത്ത മത്സരത്തിൽ ബംഗ്ലാദേശിനെ ആണ് നേരിടേണ്ടത്‌.
