ന്യൂസിലൻഡ് പാകിസ്താൻ മത്സരത്തിൽ ഇടയിൽ മോശം കാലാവസ്ഥ കാരണം മത്സരം നിർത്തി വെക്കേണ്ടി വന്നിരുന്നു. ന്യൂസിലൻഡ് ഉയർത്തിയ 402 എന്ന വിജയലക്ഷ്യം പിന്തുടരുന്ന പാകിസ്താൻ 21.3 ഓവറിൽ 160-1 എന്ന് നിൽക്കുമ്പോൾ ആയിരുന്നു കളി നിർത്തിവെച്ചത്. ഇപ്പോൾ 41 ഓവറിൽ 342 എന്ന ടാർഗറ്റ് ആണ് ഡക്വർത്ത് ലൂയിസ് നിയമപ്രകാരം പാകിസ്താനു പുതുക്കി നിശ്ചയിച്ചു കൊടുത്തത്.
അതായത് ഇനി ശേഷിക്കുന്ന 19.3 ഓവറിൽ അവർക്ക് 182 റൺസ് വേണം വിജയിക്കാൻ. പാകിസ്താന് ഈ പുതുക്കിയ ഫലം പ്രതീക്ഷ നൽകും. 6.20ന് മത്സരം പുനരാരംഭിക്കും. ഇപ്പോൾ 69 പന്തിൽ നിന്ന് 106 റൺസ് എടുത്ത ഫകർ സമാനും 51 പന്തിൽ നിന്ന് 47 റൺസുമായി ബാബർ അസമും ആണ് ക്രീസിൽ ഉള്ളത്.
