ഒക്ടോബർ 23 എന്ന തീയതി പാകിസ്താൻ ഓർക്കൻ ഇഷ്ടപ്പെടില്ല. തുടർച്ചയായ രണ്ടാം വർഷം ഒക്ടോബർ 23 അവർക്ക് സങ്കടത്തിന്റെ ദിവസമായി. കഴിഞ്ഞ ഒക്ടോബർ 23ന് ഇന്ത്യയോട് ടി20 ലോകകപ്പിൽ പരാജയപ്പെട്ട പാകിസ്താൻ, ഇന്ന് മറ്റൊരു ഒക്ടോബർ 23ന് അഫ്ഗാനിസ്ഥാനോടും പരാജയപ്പെട്ടു.
കഴിഞ്ഞ വർഷം ടി20 ലോകകപ്പിൽ എം‌സി‌ജിയിൽ വിരാട് കോഹ്‌ലിയുടെ മാസ്റ്റർക്ലാസ് ആയിരിമ്നു ടി20 ലോകകപ്പിൽ പാകിസ്ഥാനെ തോൽപ്പിച്ചത്. അവസാനം കോഹ്ലി നടത്തിയ ഹീറോയിക് പ്രകടനം ക്രിക്കറ്റ് പ്രേമികൾ ഒരിക്കലും മറക്കില്ല. അന്ന് അവസാനം കോഹ്ലി ഹാരിസ് റഹൂഫിനെ രണ്ട് സിക്സ് പറത്തിയത് പാകിസ്താൻ ക്രിക്കറ്റ് പ്രേമികൾക്ക് എന്നുൻ വേദന നൽകുന്ന ചിത്രവും ആകും.
ഇന്ന് ഏകദിന ലോകകപ്പിൽ ബാബർ അസമിന്റെ നേതൃത്വത്തിലുള്ള പാകിസ്താൻ ടീം അഫ്ഗാനിസ്ഥാനോടും ദയനീയമായ തോൽവി ആണ് ഏറ്റുവാങ്ങിയത്. എട്ടു വിക്കറ്റ് വിജയമാണ് അഫ്ഗാനിസ്താൻ ഇന്ന് നേടിയത്. പാകിസ്താൻ ചരിത്രത്തിൽ ആദ്യമായാണ് അഫ്ഗാനോട് പരാജയപ്പെടുന്നത്.
