2023 ലോകകപ്പിന്റെ സെമി ഫൈനലിൽ പാക്കിസ്ഥാന് എത്താനാകാമെന്നും വേണമെങ്കിൽ സെമിയിൽ ഇന്ത്യയെ അവർക്ക് എതിരാളികളായി ലഭിക്കാം എന്നും മുഹമ്മദ് കൈഫ്. എന്നാൽ സെമിയിൽ ഇന്ത്യയ്ക്കെതിരെ അവർ ഇറങ്ങിയാലും നമ്മുക്ക് ഏകപക്ഷീയമായ മത്സരമാണ് കാണാൻ ആവുക എന്ന് മുൻ ക്രിക്കറ്റ് താരം മുഹമ്മദ് കൈഫ് പറഞ്ഞു. ഇന്ത്യ അനായാസം ആ മത്സരം ജയിക്കുമെന്നും കൈഫ് പറയുന്നു.
പാകിസ്താൻ അവശേഷിക്കുന്ന മത്സരം ജയിച്ചാൽ അവർക്ക് സെമി പ്രതീക്ഷയുണ്ട്. പാകിസ്ഥാൻ സെമിയിൽ കടന്നാൽ ഇന്ത്യയെ നേരിടാൻ സാധ്യതയേറെയാണ്.
“അവർക്ക് സെമിയിൽ എത്തിച്ചേരാനാകും, പക്ഷേ അത് ഏകപക്ഷീയമായ മത്സരമായിരിക്കും. എന്താണ് സംഭവിച്ചതെന്ന് ചരിത്രത്തിന്റെ താളുകൾ തുറന്നാണ് അറിയാം. ഇന്ത്യ അവരെ അനായാസം പരാജയപ്പെടുത്തി. അതു തന്നെ ആവർത്തിക്കും.” കൈഫ് പറഞ്ഞു.
“എന്നിരുന്നാലും പാകിസ്ഥാന് സെമി അവസരമുണ്ട്. അവർ മികച്ച മത്സരം കളിച്ച് ഇംഗ്ലണ്ടിനെ പരാജയപ്പെടുത്തിയാൽ, അപ്പോഴും നെറ്റ് റൺ റേറ്റ് പ്രശ്നമുണ്ടാകും, അതിനാൽ അവർക്ക് വലിയ വിജയത്തോടെ സെമിയിൽ എത്താനാകും,” കൈഫ് പറഞ്ഞു.
