ലോകകപ്പ് 2023ലെ 16ാം മത്സരത്തിൽ ന്യൂസിലാണ്ടിന് മികച്ച വിജയം. അഫ്ഗാനിസ്ഥാനെതിരെ ആദ്യം ബാറ്റ് ചെയ്ത് ന്യൂസിലാണ്ട് 288/6 എന്ന സ്കോര്‍ നേടിയ ശേഷം അഫ്ഗാനിസ്ഥാനെ 139 റൺസിന് എറിഞ്ഞിട്ട് ന്യൂസിലാണ്ട് 149 റൺസ് വിജയം കുറിയ്ക്കുകയായിരുന്നു. 34.4 ഓവറിലാണ് ന്യൂസിലാണ്ട് അഫ്ഗാനിസ്ഥാനെ പുറത്താക്കിയത്.
ന്യൂസിലാണ്ടിനായി ലോക്കി ഫെര്‍ഗൂസണും മിച്ചൽ സാന്റനറും 3 വീതം വിക്കറ്റ് നേടിയപ്പോള്‍ ട്രെന്റ് ബോള്‍ട്ട് 2 വിക്കറ്റും നേടി. 36 റൺസ് നേടിയ റഹ്മത് ഷാ ആണ് അഫ്ഗാനിസ്ഥാന്റെ ടോപ് സ്കോറര്‍. അസ്മത്തുള്ള ഒമര്‍സായി 27 റൺസും നേടിയപ്പോള്‍ മറ്റാര്‍ക്കും കാര്യമായ ചെറുത്ത്നില്പുയര്‍ത്തുവാന്‍ സാധിച്ചില്ല.
