ദക്ഷിണാഫ്രിക്കയെ പരാജയപ്പെടുത്തിയ ശേഷം വീണ്ടുമൊരു അട്ടിമറി വിജയവുമായി നെതര്‍ലാണ്ട്സ്. ഇത്തവണ ബംഗ്ലാദേശിനാണ് നെതര്‍ലാണ്ട്സിന് മുന്നിൽ കാലിടറിയത്. ആദ്യം ബാറ്റ് ചെയ്ത നെതര്‍ലാണ്ട്സ് 229 റൺസിന് ഓള്‍ഔട്ട് ആയപ്പോള്‍ എതിരാളികളെ 142 റൺസിന് പുറത്താക്കി 87 റൺസ് വിജയം ആണ് ടീം നേടിയത്.
നാല് വിക്കറ്റുമായി പോള്‍ വാന്‍ മീക്കേരെന്‍ ആണ് നെതര്‍ലാണ്ട്സിന്റെ വിജയ ശില്പി. 70/6 എന്ന നിലയിൽ വീണ ബംഗ്ലാദേശിന് പിന്നീട് ഒരിക്കലും മത്സരത്തിൽ തിരിച്ചുവരവ് നടത്തുവാന്‍ സാധിച്ചില്ല. 35 റൺസ് നേടിയ മെഹ്ദി ഹസന്‍ മിറാസ് ടീമിന്റെ ടോപ് സ്കോറര്‍ ആയപ്പോള്‍ മുസ്തഫിസുര്‍ റഹ്മാനും മഹമ്മുദുള്ളയും 20 റൺസ് വീതം നേടി.
