ദക്ഷിണാഫ്രിക്കയ്‌ക്കെതിരെ സെഞ്ച്വറി നേടിയതിന് ശേഷം വിരാട് കോഹ്ലിയെ സെൽഫിഷ് എന്ന് ഹഫീസ് വിളിച്ചത് വലിയ വിവാദമായിരുന്നു. ഈ വിഷയത്തിൽ മുൻ ഇംഗ്ലണ്ട് നായകൻ മൈക്കൽ വോൺ മുഹമ്മദ് ഹഫീസിനെതിരെ ആഞ്ഞടിച്ചു. ഹഫീസിന്റെ അഭിപ്രായങ്ങൾ ‘തീർത്തും അസംബന്ധം’ ആൺ എന്ന് വിളിച്ച വോൺ എക്സിൽ കുറിച്ചു. ബാറ്റ് ചെയ്യാൻ ബുദ്ധിമുട്ടുള്ള പിച്ചിൽ ഉത്തരവാദിത്തത്തോടെ കളിക്കുകയാണ് കോഹ്ലി ചെയ്തത് എന്ന് വോൺ പറഞ്ഞു.
“ഹഫീസ്, മികച്ച ക്രിക്കറ്റ് കളിച്ച് 8 ടീമുകളെ ഇന്ത്യ തകർത്തിട്ടുണ്ട്. കോഹ്ലിക്ക് 49 സെഞ്ച്വറികൾ ഉണ്ട്. പ്രയാസമുള്ള പിച്ചിൽ ടീമിന്റെ ബാറ്റിങിനെ നയിക്കുന്ന ഇന്നിംഗ്സ് ആണ് കോഹ്ലി കളിച്ചത്‌. അദ്ദേഹത്തിന്റെ ടീം 200നു മുകളിൽ റൺസിന് വിജയിക്കുകയും ചെയ്തു. നിങ്ങൾ പറഞ്ഞത് തീർത്തും അസംബന്ധമാണ്.” – വോൺ എക്സിൽ കുറിച്ചു
