ഇന്ത്യയ്ക്കെതിരായ ലോകകപ്പ് സെമി ഫൈനലിൽ വിരാട് കോഹ്ലിക്ക് ക്രാമ്പ്സ് വന്നപ്പോൾ കോഹ്ലിയെ ന്യൂസിലൻഡ് താരങ്ങൾ സഹായിച്ചതിന് ചില വിമർശനങ്ങൾ ഉയർന്നിരുന്നു. എന്നാൽ ആ വിമർശനങ്ങൾ കാര്യമാക്കുന്നിക്ല ർന്ന് ന്യൂസിലൻഡ് ബാറ്റർ ഡാരിൽ മിച്ചൽ പറഞ്ഞു. കളിയിലുടനീളമുള്ള അവരുടെ പെരുമാറ്റത്തിൽ ടീമിന് അഭിമാനം മാത്രമെ ഉള്ളൂ എന്ന് അദ്ദേഹം പറഞ്ഞു.
സെമിയിൽ കോഹ്ലിക്ക് ബാറ്റു ചെയ്യുന്നതിന് ഇടയിൽ ക്രാമ്പ്സ് അനുഭവപ്പെട്ടിരുന്നു. നിരവധി ന്യൂസിലൻഡ് കളിക്കാർ അദ്ദേഹത്തെ പരിശോധിക്കുകയും അവനെ സഹായിക്കുകയും ചെയ്തു. മുൻ ഓസ്ട്രേലിയൻ ഓൾറൗണ്ടറായ സൈമൺ ഒ ഡോണൽ ആണ് കോഹ്ലിയെ സഹായിച്ചതിന് വിമർശിച്ചത്. പോരാട്ടവീര്യം കാണിക്കുക ആയിരിന്നു ന്യൂസിലൻഡ് ചെയ്യേണ്ടിയിരുന്നത് എന്ന് അദ്ദേഹം വിമർശിച്ചിരുന്നു.
“ബ്ലാക്ക് ക്യാപ്സ് എന്ന നിലയിലും ന്യൂസിലാന്റുകാർ എന്ന നിലയിലും ഞങ്ങൾ അഭിമാനിക്കുന്ന കാര്യമാണിതെന്ന് ഞാൻ കരുതുന്നു. ഒരു രാജ്യമെന്ന നിലയിൽ ഞങ്ങൾക്ക് അനുയോജ്യമായ രീതിയിൽ ക്രിക്കറ്റ് കളിക്കാൻ ഞങ്ങൾ ആഗ്രഹിക്കുന്നു, ഞങ്ങളുടെ കുട്ടികൾ എങ്ങനെ ഞങ്ങളെ കണ്ട് വളരണമോ അതുപോലെയാണ് ഞങ്ങൾ കളിക്കുന്നത്.” മിച്ചൽ വിമർശനങ്ങളെ കുറിച്ച് പറഞ്ഞു.
“ഞങ്ങൾ ഇതുപോലെ ക്രിക്കറ്റ് കളിക്കുന്നത് തുടരും, മറ്റ് ലോകത്തുള്ളവർ ഞങ്ങളെ ബഹുമാനിക്കാൻ കഴിയുമെന്നു ഞാൻ കരുതുന്നു. മൈതാനത്തു മാത്രമല്ല ജീവിതത്തിലും ഈ രീതിയാണ് ഞങ്ങൾ പിന്തുടരുന്നത്.” അദ്ദേഹം പറഞ്ഞു.
