ഇന്ത്യ ഇപ്പോൾ ലോകത്തിലെ ഏറ്റവും മികച്ച ടീമാാണെന്ന് ന്യൂസിലൻഡ് ക്യാപ്റ്റൻ കെയ്ൻ വില്യംസൺ. ലോകകപ്പ് ഫൈനലിൽ തോൽപ്പിക്കുക ബുദ്ധിമുട്ടായിരിക്കും എന്നും വില്യംസൺ പ്രവചിച്ചു. “ഇന്ത്യ ലോകത്തിലെ ഏറ്റവും മികച്ച ടീമാണ്, അവർ അവരുടെ ഏറ്റവും മികച്ച ക്രിക്കറ്റ് കളിക്കുന്നു, അതിനാൽ അവരെ ഫൈനലിൽ പരാജയപ്പെടുത്തുക ബുദ്ധിമുട്ടാണ്.” വില്യംസൺ പറഞ്ഞു.
ഈ ടൂർണമെന്റിലുടനീളം അവർ കളിച്ച രീതി അവിശ്വസനീയമാണ്. അവർ ശരിക്കും ഒരിക്കൽ പോലും പതറിയില്ല. ലീഗ് ഘട്ടം കഴിഞ്ഞ് നോക്കൗട്ടിൽ വന്ന് അവർ കളിച്ച രീതി മികച്ചതാണ്. അവർ പൂർണ്ണ ആത്മവിശ്വാസത്തോടെ ആകും ഫൈനലിൽ ഇറങ്ങുക എന്നതിൽ എനിക്ക് സംശയമില്ല,” വില്യംസൺ കൂട്ടിച്ചേർത്തു.
