ഇന്ത്യ ഇന്ന് ഓസ്ട്രേലിയയ്ക്കെതിരെ നേടിയ 352 റണ്‍സ് ഓസ്ട്രേലിയയ്ക്കെതിരെ ലോകകപ്പില്‍ ഏതെങ്കിലും ടീം നേടുന്ന ഏറ്റവും ഉയര്‍ന്ന സ്കോറാണ്. ഇറങ്ങിയ ബാറ്റ്സ്മാന്മാരില്‍ നിന്നെല്ലാം ശ്രദ്ധേയമായ പ്രകടനം പുറത്ത് വന്ന് മത്സരത്തില്‍ ഇന്ത്യ ആദ്യം ബാറ്റ് ചെയ്ത് 50 ഓവറില്‍ നിന്ന 352 റണ്‍സാണ് 5 വിക്കറ്റ് നഷ്ടത്തില്‍ നേടിയത്.
ശിഖര്‍ ധവാന്‍ ശതകം(117) നേടിയപ്പോള്‍ വിരാട് കോഹ്‍ലി 82 റണ്‍സും രോഹിത് ശര്‍മ്മ 57 റണ്‍സുമാണ് നേടിയത്. ഹാര്‍ദ്ദിക് പാണ്ഡ്യ 27 പന്തില്‍ നിന്ന് 48 റണ്‍സ് നേടിയപ്പോള്‍ ധോണി 14 പന്തില്‍ നിന്ന് 27 റണ്‍സ് നേടി. 3 പന്തില്‍ നിന്ന് 11 റണ്‍സുമായി കെഎല്‍ രാഹുലും മികവ് പുലര്‍ത്തി. ലോകകപ്പില്‍ ഇന്ത്യ നേടുന്ന നാലാമത്തെ ഉയര്‍ന്ന സ്കോര്‍ കൂടിയാണ് ഇത്.
2007ല്‍ പോര്‍ട്ട് ഓഫ് സ്പെയിനില്‍ ബെര്‍മുഡയ്ക്കെതിരെ 413/5 ആണ് ലോകകപ്പിലെ ഇന്ത്യയുടെ ഏറ്റവും ഉയര്‍ന്ന സ്കോര്‍. 1999ല്‍ ശ്രീലങ്കയ്ക്കെതിരെ ടോണ്ടണില്‍ നേടിയ 373/6 എന്ന സ്കോറും 2011ല്‍ ബംഗ്ലാദേശിനെതിരെ മിര്‍പുരില്‍ നേടിയ 370/4 എന്ന സ്കോറുമാണ് മറ്റു വലിയ സ്കോറുകള്‍.
