ഓസ്ട്രേലിയക്ക് എതിരായ ഫൈനലിൽ ഇന്ത്യ മികച്ച ക്രിക്കറ്റ് കളിച്ചില്ല എന്ന് ക്യാപ്റ്റൻ രോഹിത് ശർമ്മ. ഈ പിച്ചിൽ നേടേണ്ടിയിരുന്ന സ്കോറിനേക്കാൾ 30 റൺസ് കുറവായിരുന്നു നേടിയത് എന്ന് രോഹിത് ശർമ്മ പറഞ്ഞു. മത്സരം രണ്ടാം ഇന്നിംഗ്സിൽ എത്തിയപ്പോൾ ബാറ്റു ചെയ്യാൻ കുറച്ചു കൂടെ എളുപ്പമായി. എങ്കിൽ അത് ഒരു എക്സ്ക്യൂസായി പറയാൻ താൻ ഉദ്ദേശിക്കുന്നില്ല എന്നും രോഹിത് പറഞ്ഞു.
ഞങ്ങൾ നന്നായി കളിക്കണമായിരുന്നു. രാഹുലും കോഹ്ലിയും ബാറ്റു ചെയ്യുമ്പോൾ ഞങ്ങൾ 280-290 സ്കോർ പ്രതീക്ഷിച്ചിരുന്നു. പക്ഷെ പിന്നെ വിക്കറ്റുകൾ പോയതോടെ റൺസ് വരാതെ ആയി. ഓസ്ട്രേലിയ തീർത്തും ഞങ്ങൾ ഔട്ട്പ്ലേ ചെയ്തു. ഓസ്ട്രേലിയയുടെ ഇന്നിംഗ്സിൽ തുടക്കത്തിൽ വിക്കറ്റ് വീഴ്ത്താൻ ഞങ്ങൾ ആഗ്രഹിച്ചു. അതിന് കഴിയികയും ചെയ്തു. പക്ഷെ അതിനു ശേഷം അവർ നല്ല കൂട്ടുകെട്ട് ഉണ്ടാക്കി. അത് കളി ഞങ്ങളിൽ നിന്ന് അകലാൻ കാരണമായി. രോഹിത് പറഞ്ഞു.
പരാജയപ്പെട്ടു എങ്കിലും ഈ ടീമിനെ ഓർത്ത് അഭിമാനം ഉണ്ടെന്ന് രോഹിത് പറഞ്ഞു. ഈ ടൂർണമെന്റിൽ ഞങ്ങൾ എടുത്ത എഫേർട് മികച്ചതായിരുന്നു എന്നും രോഹിത് കൂട്ടിച്ചേർത്തു.
