എംഎസ് ധോണിയുടെ ബലിദാന് ഗ്ലൗസുകള്ക്ക് മേല് ഏര്പ്പെടുത്തിയ വിലക്കിനു ശേഷം അടുത്തത് ക്രിസ് ഗെയിലിനുമേല് പിടിമുറുക്കി ഐസിസി. തന്റെ ബാറ്റിലെ യൂണിവേഴ്സ് ബോസ് എന്ന ലോഗോ ഉപയോഗിക്കാനാകില്ലെന്ന് ഐസിസി ഉത്തരവ് പുറപ്പെടുവിച്ചതിനെതിരെ ഗെയില് ഐസിസിയോട് തന്നെ ഇതിനു അനുവദിക്കണമെന്ന ആവശ്യം അറിയിച്ചിരുന്നു. എന്നാല് ഇപ്പോള് ഇത് തള്ളി ഐസിസി രംഗത്തെത്തിയിട്ടുണ്ട്.
വ്യക്തിപരമായ മെസ്സേജുകള് ജഴ്സിയിലോ ക്രിക്കറ്റ് ഗിയറുകളിലോ പാടില്ലെന്നാണ് ഐസിസി പറഞ്ഞിരിക്കുന്നത്. അതിനാല് തന്നെ ദി ബോസ് എന്ന ലോഗോ ഗെയില് ബാറ്റില് ഉപയോഗിക്കുന്നത് ഐസിസി ഇതോടെ വിലക്കിയിരിക്കുകയാണ്. നേരത്തെ ധോണിയുടെ ഗ്ലൗസില് ഇത്തരത്തില് ഇന്ത്യയുടെ സൈന്യവുമായി ബന്ധപ്പെട്ട ചിഹ്നം വന്നത് വിവാദമായിരുന്നു.