പാകിസ്താൻ പേസർ ഹാരിസ് റഹൂഫ് ഒരു അനാവശ്യ റെക്കോർഡ് തന്റെ പേരിലാക്കി. ഒരു ഏകദിന ലോകകപ്പിൽ ഏറ്റവും കൂടുതൽ സിക്സുകൾ വഴങ്ങിയ താരമായി ഹാരിസ് റഹൂഫ് മാറി. ഇന്ന് ന്യൂസിലൻഡിന് എതിരായ മത്സരത്തോടെ ആകെ 16 സിക്സുകൾ ഈ ലോകകപ്പിൽ ഹാരിസ് റഹൂഫ് വഴങ്ങി. 2015ൽ സിംബാബ്വെ താരം തിനാഷെ പന്യങ്കരയുടെ പേരിൽ ആയിരുന്നു ഈ സ്റ്റാറ്റ്സ് ഇതുവരെ.
പന്യങ്കര അന്ന് 15 സിക്സുകൾ വഴങ്ങിയിരുന്നു. കഴിഞ്ഞ ലോകകപ്പിൽ ഇന്ത്യയുടെ ചാഹലും അഫ്ഗാന്റെ താരം റാഷിദ് ഖാനും 14 സിക്സ് വീതം വഴങ്ങിയിരുന്നു. ഇന്ന് ഹാരിസ് റഹൂഫ് 10 ഓവറിൽ ആകെ 85 റൺസ് ആണ് വഴങ്ങിയത്.
