ലോകകപ്പ് ഫൈനലിൽ ഇന്ത്യ ഓപ്പണർ
ശുഭ്മാൻ ഗിൽ വലിയ റൺസ് നേടുമെന്ന് മുൻ ഇന്ത്യൻ സ്പിന്നർ ഹർഭജൻ സിംഗ്. ഗില്ലിന്റെ ഫേവറിറ്റ് ഗ്രൗണ്ട് ആണ് അഹമ്മദബാദ് എന്ന് ഹർഭജൻ പറഞ്ഞു. അഹമ്മദാബാദ് സ്റ്റേഡിയത്തിൽ ഗില്ലിന് മികച്ച റെക്കോർഡുകൾ ആണ് ഉള്ളത്.
‘വിരാട് കോലിയും മുഹമ്മദ് ഷമിയും അവിശ്വസനീയമാണ്. അവർക്ജ് ഇനി ഒരു നല്ല കളി കൂടി കളിക്കാനുണ്ട്. ശുഭ്മാൻ ഗില്ലിന്റെ പ്രിയപ്പെട്ട ഗ്രൗണ്ട് കൂടിയാണിത്, അഹമ്മദാബാദിലാണ് അദ്ദേഹം എപ്പോഴും വലിയ സ്കോർ നേടുന്നത്. ഫൈനലിൽ അദ്ദേഹം വലിയ റൺസ് നേടുമെന്ന് ഞാൻ പ്രവചിക്കുന്നു,” ഹർഭജൻ പറഞ്ഞു.
“ഇന്ത്യ ഭയരഹിത ക്രിക്കറ്റ് കളിക്കണം. ഫൈനൽ എപ്പോഴും സമ്മർദ്ദ ഗെയിമുകളാണ്. സമ്മർദം നന്നായി കൈകാര്യം ചെയ്യുന്നയാൾ കളി ജയിക്കും. 2003ലും 2007ലും പിന്നീട് 2015ലും ഓസ്ട്രേലിയ ലോകകപ്പ് നേടിയിട്ടുണ്ട്. വലിയ മത്സരങ്ങളിൽ ഓസ്ട്രേലിയൻ ടീം ഒത്തൊരുമയോടെയാണ് കളിക്കുന്നത്,” ഹർഭജൻ കൂട്ടിച്ചേർത്തു.
