ഇന്ത്യൻ ഓപ്പണർ ശുഭ്‌മാൻ ഗില്ലിന് കുറച്ച് ദിവസത്തേക്ക് പുറത്തിരുന്നു എന്നത് കൊണ്ട് ഫോം നഷ്ടപ്പെടില്ലെന്ന് മുൻ പാകിസ്ഥാൻ ക്യാപ്റ്റൻ സൽമാൻ ബട്ട്. തന്റെ യുട്യൂബ് ചാനലിൽ സംസാരിക്കുകയായിരുന്നു ബട്ട്, ഡെങ്കിപ്പനി ബാധിച്ചതിനാൽ ലോകകപ്പിലെ ഇന്ത്യയുടെ ആദ്യ രണ്ട് മത്സരങ്ങൾ ഗില്ലിന് നഷ്‌ടമായിരുന്നു.
“ഒരു കളിക്കാരന് കുറച്ച് ദിവസം പുറത്ത് ഇരുന്നാൽ ഫോം നഷ്ടപ്പെടില്ല. അത് വലിയ മാറ്റമൊന്നും ഉണ്ടാക്കില്ല. എന്തെങ്കിലും ദൗർബല്യമുണ്ടെങ്കിൽ പോലും, പരിശീലന സമയത്ത് അദ്ദേഹം അത് പരിഹരിക്കുമായിരുന്നു,” ബട്ട് പറഞ്ഞു
“ഗിൽ തിരിച്ചെത്തിയാൽ അത് ടീം ഇന്ത്യക്ക് വൻ നേട്ടമാകും. കഴിഞ്ഞ 18 മാസമായി അദ്ദേഹം ആ ടീമിന്റെ പ്രധാന അംഗമാണ്. മറ്റാരേക്കാളും കൂടുതൽ റൺസ് നേടിയ ഒരു പ്രധാന കളിക്കാരനാണ് അദ്ദേഹം.” ബട്ട് കൂട്ടിച്ചേർത്തു.
