ഇന്ത്യയുടെ ഓപ്പണർ ശുഭ്മൻ ഗില്ലിന് പരിക്ക്. ഇന്ന് ന്യൂസിലൻഡിന് എതിരായ ലോകകപ്പ് സെമി ഫൈനലിൽ മികച്ച രീതിയിൽ ബാറ്റു ചെയ്തു കൊണ്ടിരിക്കെ ആണ് ഗില്ലിന് പരിക്കേറ്റ് മടങ്ങേണ്ടി വന്നത്. ഗിൽ 79 റൺസിൽ നിൽക്കെ ആണ് പരിക്ക് കാരണം റിട്ടയർ ചെയ്തത്. 65 പന്തിൽ നിന്ന് ആയിരുന്നു ഗിൽ 79 റൺസ് എടുത്തത്‌. 8 ഫോറും മൂന്ന് സിക്സും ഗില്ലിന്റെ ഇന്നിംഗ്സിൽ ഉണ്ടായിരുന്നു.
ഗില്ലിന്റെ പരിക്ക് സാരമുള്ളതാകില്ല എന്ന പ്രതീക്ഷകയിലാണ് ഇന്ത്യ. താരം ഈ ഇന്നിംഗ്സിൽ ഇനി ഇറങ്ങുമോ എന്ന് കണ്ടറിയണം. ഗില്ലും രോഹിത് ശർമ്മയും കൂടെ ഇന്ന് ഇന്ത്യക്ക് മികച്ച തുടക്കമാണ് നൽകിയത്. രോഹിത് ശർമ്മ 29 പന്തിൽ നിന്ന് 47 റൺസും എടുത്തിരുന്നു.
