നാളെ പാക്കിസ്ഥാനെതിരായ ലോകകപ്പ് പോരാട്ടത്തിന് യുവ ഓപ്പണർ ശുഭ്മാൻ ഗിൽ 99 ശതമാനം റെഡി ആണെന്ന് ഇന്ത്യൻ ക്യാപ്റ്റൻ രോഹിത് ശർമ്മ. മത്സരത്തിന് മുമ്പുള്ള പത്രസമ്മേളനത്തിൽ സംസാരിക്കുക ആയിരുന്നു രോഹിത് ശർമ്മ. ഗിൽ കളിക്കുമോ ഇല്ലയോ എന്നതിൽ നാളെ അന്തിമ തീരുമാനം എടുക്കും എന്ന് ഇന്ത്യൻ ക്യാപ്റ്റൻ പറഞ്ഞു. നാളെ ഗിൽ ഓപ്പണറായി തിരികെയെത്തും എന്നാണ് ഇത് നൽകുന്ന സൂചന.
അങ്ങനെ എങ്കിൽ ഡെങ്കിപ്പനിയിൽ നിന്ന് കരകയറിയ ഗില്ലിന്റെ ഇന്ത്യക്കായുള്ള ഏകദിന ലോകകപ്പ് അരങ്ങേറ്റം ആകും പാകിസ്താനെതിരായ മത്സരം. ഗില്ലിന് ഡെങ്കിപ്പനി ആയതിനാൽ ഇന്ത്യയുടെ ആദ്യ രണ്ട് ലോകകപ്പ് മത്സരങ്ങൾ താരത്തിന് നഷ്ടമായിരുന്നു. ഗിൽ തിരികെ എത്തുക ആണെങ്കിൽ ഇഷൻ കിഷാൻ മധ്യനിരയിലേക്ക് മാറും. ശ്രേയസ് അയ്യർ ടീമിൽ നിന്ന് പുറത്താകാനാണ് സാധ്യത.
