താന്‍ ഐസിസി മത്സരയിനങ്ങളില്‍ എപ്പോഴും ഫോമിലേക്ക് ഉയരുന്നത് ഒരു യാദൃശ്ചികമായ സംഭവം മാത്രമാണെന്ന് പറഞ്ഞ് ശിഖര്‍ ധവാന്‍. കെന്നിംഗ്ടണ്‍ ഓവലിലെ ഈ ഗ്രൗണ്ടില്‍ കളിയ്ക്കുന്നത് താന്‍ എന്നും ഇഷ്ടപ്പെടുന്ന കാര്യമാണ് അത് കൂടാതെ ഇത്തരം ടൂര്‍ണ്ണമെന്റില്‍ താന്‍ എപ്പോളും മികവ് പുലര്‍ത്താറുണ്ട്. ശതകത്തില്‍ സന്തോഷമുണ്ടെന്നും ഈ ടോട്ടല്‍ മികച്ചതാണെന്നും ഇന്ത്യ ശക്തമായ നിലയിലാണെന്നും ഇന്ത്യയുടെ ഇന്നിംഗ്സിനു ശേഷം ശിഖര്‍ പറഞ്ഞു.
ഇന്ത്യയുടെ ബൗളിംഗ് നിര ശക്തമാണെന്നും ഓസ്ട്രേലിയന്‍ ബാറ്റ്സ്മാന്മാരെ അവര്‍ ബുദ്ധിമുട്ടിക്കുമെന്നും ശിഖര്‍ പ്രതീക്ഷ പുലര്‍ത്തി.
