2019 ലോകകപ്പില്‍ തിളങ്ങുന്ന ബൗളര്‍മാര്‍ ആരെന്ന തന്റെ അഭിപ്രായം വെളിപ്പെടുത്തി ബ്രെറ്റ് ലീ. മൂന്ന് താരങ്ങളെ ലീ തിരഞ്ഞെടുത്തപ്പോള്‍ അതില്‍ ഇന്ത്യന്‍ താരം ജസ്പ്രീത് ബുംറയും രണ്ട് ഓസ്ട്രേലിയന്‍ താരങ്ങളുമാണ് ഇടം പിടിച്ചത്. മേയ് 30നു ആരംഭിയ്ക്കുന്ന ടൂര്‍ണ്ണമെന്റില്‍ മിച്ചല്‍ സ്റ്റാര്‍ക്കിനെയും പാറ്റ് കമ്മിന്‍സിനെയും തിരഞ്ഞെടുത്ത ബ്രെറ്റ് ലീ ജസ്പ്രീത് ബുംറയെയും തന്റെ മൂന്നംഗ പട്ടികയില്‍ ഉള്‍പ്പെടുത്തി.
മിച്ചല്‍ സ്റ്റാര്‍ക്കിന്റെ പേസ് പരിഗണിക്കേണ്ടത് തന്നെയാണെന്നും താരത്തിനോളം ക്വാളിറ്റിയുള്ള താരം ലോകകപ്പില്‍ വളരെ കുറവാണെന്നമാണ് ബ്രെറ്റ് ലീയുടെ അഭിപ്രായം. മികച്ച പേസും യോര്‍ക്കറുകളുമുള്ള മികവുറ്റ ബൗളറായ ജസ്പ്രീത് ബുംറയാണ് തന്റെ പട്ടികയില്‍ രണ്ടാം സ്ഥാനമെന്ന് ബ്രെറ്റ് ലീ പറഞ്ഞു. പാറ്റ് കമ്മിന്‍സിന്റെ കൃത്യതയും പേസും വൈവിധ്യങ്ങളും താരത്തെ അപകടകാരിയാക്കുന്നുവെന്ന് ലീ പറഞ്ഞു.
