ഇന്ത്യ ഉള്പ്പെടുന്ന ത്രിരാഷ്ട്ര ടി20 പരമ്പരയിൽ വെസ്റ്റിന്ഡീസിനെതിരെ ആധികാരിക വിജയവുമായി ദക്ഷിണാഫ്രിക്ക. പത്ത് വിക്കറ്റിന്റെ വിജയം ആണ് ആതിഥേയര് സ്വന്തമാക്കിയത്. ആദ്യം ബാറ്റ് ചെയ്ത വെസ്റ്റിന്ഡീസിന് 20 ഓവറിൽ 97 റൺസാണ് ആറ് വിക്കറ്റ് നഷ്ടത്തിൽ നേടാനായത്.
വിക്കറ്റ് നഷ്ടമില്ലാതെ 13.4 ഓവറിൽ ദക്ഷിണാഫ്രിക്ക വിജയം കൈപ്പിടിയിലാക്കുകയായിരുന്നു. ടാസ്മിന് ബ്രിറ്റ്സ് 50 റൺസും ലോറ വോള്വാര്ഡട് 42 റൺസും നേടി പുറത്താകാതെ നിന്നു.
നേരത്തെ 34 റൺസ് നേടിയ ഹെയ്ലി മാത്യൂസും 33 റൺസ് നേടിയ ഷാബിക ഗജ്നബിയും ആണ് വെസ്റ്റിന്ഡീസിനെ 97 റൺസിലേക്ക് എത്തുവാന് സഹായിച്ചത്.
