ക്രിക്കറ്റ് ലോകകപ്പ് നേടുകയെന്നതാണ് തന്റെ ഏറ്റവും വലിയ ലക്ഷ്യമെന്ന് ഇന്ത്യൻ വൈസ് ക്യാപ്റ്റൻ രോഹിത് ശർമ്മ. ഒരു ക്രിക്കറ്റെർ എന്ന നിലയിൽ ലോകകപ്പ് നേടുകയെന്നതാണ് ഏറ്റവും വലിയ കാര്യമെന്നും രോഹിത് ശർമ്മ പറഞ്ഞു. ലോകകപ്പ് ജയിക്കുകയെന്നത് എല്ലാവരുടെയും സ്വപ്നമാണെന്നും ഓരോ തവണ ലോകകപ്പിന് പോവുമ്പോഴും ജയിക്കണമെന്നാണ് ആഗ്രഹമെന്നും രോഹിത് ശർമ്മ പറഞ്ഞു.
കഴിഞ്ഞ വർഷം ഇംഗ്ലണ്ടിൽ നടന്ന ലോകകപ്പിൽ രോഹിത് ശർമ്മ സ്വപ്നതുല്യമായ പ്രകടനം പുറത്തെടുത്തെങ്കിലും ലോകകപ്പ് സെമി ഫൈനലിൽ ഇന്ത്യ ന്യൂസിലാൻഡിനോട് തോറ്റ് പുറത്താവുകയായിരുന്നു. അന്ന് 9 ഇന്നിങ്സിൽ നിന്ന് 648 റൺസാണ് രോഹിത് ശർമ്മ നേടിയത്. ഈ വർഷം ഓസ്ട്രേലിയയിൽ നടക്കേണ്ട ടി20 ലോകകപ്പ് നേടുകയെന്നതാണ് ഇന്ത്യൻ ടീമിന്റെ ലക്ഷ്യമെന്നും അതിന് വേണ്ടി പരിശീലനം നടത്താൻ ആവശ്യമായ സമയം ലഭിക്കുമെന്നാണ് തന്റെ പ്രതീക്ഷയെന്നും രോഹിത് ശർമ്മ പറഞ്ഞു.
