മാഞ്ചസ്റ്ററില് ഇംഗ്ലണ്ടിനെതിരെ ടോസ് നേടി ബൗളിംഗ് തിരഞ്ഞെടുത്ത് വെസ്റ്റ് ഇന്ഡീസ്. ടീമില് ഒരു മാറ്റവുമായാണ് ടീം ഇറങ്ങുന്നത്. അല്സാരി ജോസഫിന് പകരം റഖീം കോര്ണ്വാല് ടീമില് എത്തുന്നു. പരമ്പരയില് ഇപ്പോള് രണ്ട് ടീമുകളും ഒപ്പത്തിനൊപ്പം ഓരോ മത്സരങ്ങള് ജയിച്ച് നില്ക്കുകയാണ്.
അതെ സമയം ഇംഗ്ലണ്ട് ടീമില് സാക്ക് ക്രോളി ടീമിന് പുറത്ത് പോകുകയാണ്. അതിനാല് തന്നെ ബാറ്റിംഗ് ഓര്ഡറില് മാറ്റമുണ്ടാകുമെന്ന് ഇംഗ്ലണ്ട് നായകന് ജോ റൂട്ട് വ്യക്തമാക്കി. സാം കറനും ടീമില് അവസരമില്ല. പകരം ജോഫ്ര ആര്ച്ചറും ജെയിംസ് ആന്ഡേഴ്സണും ടീമിലേക്ക് എത്തുന്നു.
