ഇന്ത്യയോട് 1-3നു പരമ്പര നഷ്ടമായെങ്കിലും വിന്‍ഡീസ് ടീമിനു ആശ്വാസമായി ബാറ്റിംഗ് താരങ്ങളുടെ റാങ്കിംഗ് നേട്ടം. ഷായി ഹോപും ഷിമ്രണ്‍ ഹെറ്റ്മ്യറും തങ്ങളുടെ റാങ്കിംഗ് സ്ഥാനങ്ങള്‍ മെച്ചപ്പെടുത്തി യഥാക്രം 25, 26 റാങ്കുകളിലേക്ക് ഏകദിന ബാറ്റിംഗില്‍ എത്തുകയായിരുന്നു. ഹോപ് 22 സ്ഥാനങ്ങള്‍ മെച്ചപ്പെടുത്തിയപ്പോള്‍ ഷിമ്രണ്‍ ഹെറ്റ്മ്യര്‍ 31 സ്ഥാനങ്ങള്‍ മെച്ചപ്പെടുത്തി.
259 റണ്‍സ് പരമ്പരയില്‍ നിന്ന് ഷിമ്രണ്‍ ഹെറ്റ്മ്യര്‍ നേടിയപ്പോള്‍ 250 റണ്‍സാണ് ഹോപ് നേടിയത്.
