ദുലീപ് ട്രോഫിയിൽ വെസ്റ്റ് സോണിന്റെ ഒന്നാം ഇന്നിംഗ്സ് 270 റൺസിന് അവസാനിപ്പിച്ച സൗത്ത് സോൺ രണ്ടാം ദിവസം ലഞ്ചിന് പിരിയുമ്പോള് 87/2 എന്ന നിലയിൽ. 34 റൺസുമായി ബാബ ഇന്ദ്രജിത്തും 13 റൺസ് നേടിയ ഹനുമ വിഹാരിയും ആണ് ക്രീസിലുള്ളത്.
വെസ്റ്റ് സോണിന്റെ 9ാം വിക്കറ്റ് കൂട്ടുകെട്ടിനെ ഇന്ന് രാവിലെ സായി കിഷോര് ആണ് തകര്ത്തത്. ഹെത് പട്ടേലിനെ രണ്ട് റൺസ് കൂടി നേടുന്നതിനിടെ 98 റൺസിൽ കിഷോര് പുറത്താക്കിയപ്പോള് ചിന്തന് ഗജയെയും താരം തന്നെ പുറത്താക്കി. സായി കിഷോര് 5 വിക്കറ്റ് നേടിയപ്പോള് ജയ്ദേവ് ഉനഡ്കട് 47 റൺസുമായി പുറത്താകാതെ നിന്നു.
31 റൺസ് നേടിയ രോഹന് കുന്നുമല്ലിനെയും 9 റൺസ് നേടിയ മയാംഗ് അഗര്വാളിനെയും ആണ് സൗത്ത് സോണിന് നഷ്ടമായത്.