ന്യൂസിലൻഡിനെതിരെ പൂനെയിലും മുംബൈയിലും നടക്കുന്ന രണ്ടും മൂന്നും ടെസ്റ്റുകൾക്കുള്ള 16 അംഗ ടീമിൽ തമിഴ്നാട് ഓൾറൗണ്ടർ വാഷിംഗ്ടൺ സുന്ദറിനെ ഇന്ത്യ ഉൾപ്പെടുത്തി. സ്പിൻ-ബൗളിംഗിനും ബാറ്റിംഗ് വൈദഗ്ധ്യത്തിനും പേരുകേട്ട സുന്ദർ, രവിചന്ദ്രൻ അശ്വിൻ, രവീന്ദ്ര ജഡേജ, അക്സർ പട്ടേൽ തുടങ്ങിയ ഓൾറൗണ്ടർ നിരക്ക് ഒപ്പം ചേരും. ബംഗളൂരുവിൽ നടന്ന ആദ്യ ടെസ്റ്റിൽ 8 വിക്കറ്റിന് തോറ്റ ഇന്ത്യ പരമ്പരയിൽ തിരിച്ചുവരാനുള്ള ശ്രമത്തിലാണ്.
ഇന്ത്യൻ ടീമിൽ ചേരുന്നതിന് മുമ്പ് സുന്ദർ തമിഴ്നാടിനായുള്ള രഞ്ജി ട്രോഫി ഡ്യൂട്ടി പൂർത്തിയാക്കും. ഡൽഹിക്കെതിരെ 152 റൺസ് നേടുകയും രണ്ട് വിക്കറ്റ് വീഴ്ത്തുകയും ചെയ്ത വാഷിങ്ടൻ മികച്ച ഫോമിലാണ്. പരിക്കുകൾ കാരണം അദ്ദേഹം 2021 മുതൽ ടെസ്റ്റ് ടീമിൽ കളിച്ചിട്ടല്ല.
പരുക്കിനെക്കുറിച്ചുള്ള ആശങ്കകൾക്കിടയിലും ജസ്പ്രീത് ബുംറ, ഋഷഭ് പന്ത് തുടങ്ങിയ പ്രമുഖ താരങ്ങളെ ഇന്ത്യ ടീമിൽ നിലനിർത്തിയിട്ടുണ്ട്.
