ഓസ്ട്രേലിയൻ ക്രിക്കറ്റ് ഇതിഹാസം ഡേവിഡ് വാർണർ തന്റെ 40-ാം വയസ്സിലും ടി20 ക്രിക്കറ്റിൽ സജീവമായി തുടരും. ബിഗ് ബാഷ് ലീഗ് (BBL) ടീമായ സിഡ്നി തണ്ടറുമായി താരം ഒരു വർഷത്തെ പുതിയ കരാർ ഒപ്പിട്ടു. ഈ സീസണിൽ സിഡ്നി തണ്ടർ പോയിന്റ് പട്ടികയിൽ അവസാന സ്ഥാനത്താണ് ഫിനിഷ് ചെയ്തതെങ്കിലും വാർണർ വ്യക്തിഗത പ്രകടനത്തിൽ അമ്പരപ്പിക്കുന്ന ഫോമിലായിരുന്നു. എട്ട് ഇന്നിംഗ്സുകളിൽ നിന്നായി 86.60 ശരാശരിയിൽ 433 റൺസാണ് താരം അടിച്ചുകൂട്ടിയത്. 154.09 എന്ന തകർപ്പൻ സ്ട്രൈക്ക് റേറ്റിലായിരുന്നു വാർണറുടെ ഈ കുതിപ്പ്.
തന്റെ കരിയറിന്റെ അവസാന ഘട്ടത്തിലും പ്രായം വെറുമൊരു നമ്പറാണെന്ന് തെളിയിക്കുന്ന പ്രകടനമാണ് വാർണർ കാഴ്ചവെക്കുന്നത്. ഈ സീസണിലെ അവസാന നാല് ഇന്നിംഗ്സുകളിൽ നിന്ന് മാത്രം അദ്ദേഹം രണ്ട് സെഞ്ച്വറികൾ നേടി. 130, 67, 82, 110* എന്നിങ്ങനെയായിരുന്നു താരത്തിന്റെ അവസാന മത്സരങ്ങളിലെ സ്കോറുകൾ. ഈ പ്രകടനത്തോടെ ടി20 ക്രിക്കറ്റിൽ ഏറ്റവും കൂടുതൽ സെഞ്ച്വറികൾ നേടുന്ന താരങ്ങളുടെ പട്ടികയിൽ വിരാട് കോലിയെ മറികടന്ന് വാർണർ മൂന്നാം സ്ഥാനത്തെത്തി. നിലവിൽ 10 ടി20 സെഞ്ച്വറികളാണ് താരത്തിന്റെ അക്കൗണ്ടിലുള്ളത്.
